आधा करोडको अफिमसहित दुई जना पक्राउ

0
45

रुपिस कार्की

८ भदौ, काठमाडौं । प्रहरीले साढे ६ किलो लागूऔषध अफिमसहित दुई जनालाई पक्राउ गरेको छ । पक्राउ पर्नेमा जाजरकोटका दिलिप विश्वकर्मा र जाजरकोटकी प्रमिला राउत छन् ।

महानगरीय अपराध महाशाखा, बानेश्वरको टोलीले उनीहरुलाई पक्राउ गरेको हो । महाशाखाका एसएसपी दीपक थापाले बताए अनुसार उनीहरुले काठमाडौंमा बिक्री गर्ने उद्देश्यले अफिस भएको झोला बोकेर हिँडिरहेका थिए ।

प्रहरीले विशेष सूचनाका आधारमा उनीहरुलाई नियन्त्रणमा लिएर खनतलासी लिँदा झोलाभित्र साढे ६ किलो लागूऔषध अफिम बरामद भएको थापाले बताए ।

प्रारम्भिक अनुसन्धानमा बरामद अफिम रोल्पा वा रुकुमबाट ल्याइएको हुनसक्ने देखिएको थापाले बताए । अफिम ब्राउन सुगर बनाउन प्रयोग हुन्छ ।

उनीहरुले ८ लाख रुपैयाँ प्रतिकिलोमा अफिम बेच्न लागेका थिए । जिल्लाबाट ल्याउँदा भने प्रति किलो एक लाख रुपैयाँमा ल्याइएको खुलेको छ ।

LEAVE A REPLY

Please enter your comment!
Please enter your name here